بقلم :Med Bousaidi
---------------من أشياء مثيرة للاهتمام حول الموسيقى انها كتقيس روح ديالنا او بتعبير أخر لداخل ديالنا فلعمق او بالضبط موسيقى لي كانقيسو فيها الحزن او كتحسسنا بشي نوع من انواع الحزن ...مشكلة هي علاش كانديرو هاد حالة فراسنا علاش كانبغيو نتمزكو لدوك الاغاني لي غاتبكينا وكي بقى عجبنا لحال أشمن نوع من شهوة مرضية لي كانلبيو فهاد لقطة... كاين واحد لمقال ميريكاني واعر (غانلحو ألى عاودت لقيتو) كاي قولو فيه بأن الغرض الاساسي من هاد نوع ديال الموسيقى انها كاتخلينا نبنيو واحد البيت خاص بلألم ديالنا و من خلال هاد البناء العشوائي ههه هاد البيت ديال الألم كتلعب دور ديال تجربة شافية لي كتخيلنا نفرجو عن عوطفنا المكبوتة ... ولا تقدر تدينا لدوامة ديال جحيم الأكتئاب من لخر الموسيقى لي فشي شكل و فنضري بشكل خاص دات طابع الحزين كاتختارقك بشي شكل من الأشكال كتأثر عليك كتقيسك ...علاش ! كنضن لحقاش كاملنا عندنا الام كابتينها فلداخال ديالنا ...أحزان لي كانحاولو نتناسوها لحضات لمقموعة لي تعدبنا فيها بشكل منفرد ...لحضات معروفة لي دزنا منها كاملين ولكن بشكل متفرد أي كل واحد بوحدو ...أولها وعي ديالك بأنك مواطن مغربي أو ديك لحضة فاش كطيح فالحب معا شي وحدة أو واحد و كيخليك و كايمشي أولا منين كتحس بأن الحيات كملها ضدك و كتفشلك ...هاد مشاعر مكبوتة كل واحد و كيفاش كيفجرها واحد المجموعة منا كتردو فنان مبدع كرسام, ممتل , كاتب كلمات (معناة العميقة هي منبع الابداع فنضري) وكاين لي كاتخليه كاع يبني شركات لي ممكن تغير العالم ...ولكن أغلبية ديالنا فقط شي اغنية عميقة هي لي غتعاونو فتحرير ديال ديك لمشاعر و استمرار فالحياة شارلي_ألم
من أشياء مثيرة للاهتمام حول الموسيقى انها كتقيس روح ديالنا او بتعبير أخر لداخل ديالنا فلعمق او بالضبط موسيقى لي كانقيسو فيها الحزن او كتحسسنا بشي نوع من انواع الحزن ...مشكلة هي علاش كانديرو هاد حالة فراسنا علاش كانبغيو نتمزكو لدوك الاغاني لي غاتبكينا وكي بقى عجبنا لحال أشمن نوع من شهوة مرضية لي كانلبيو فهاد لقطة... كاين واحد لمقال ميريكاني واعر (غانلحو ألى عاودت لقيتو) كاي قولو فيه بأن الغرض الاساسي من هاد نوع ديال الموسيقى انها كاتخلينا نبنيو واحد البيت خاص بلألم ديالنا و من خلال هاد البناء العشوائي ههه هاد البيت ديال الألم كتلعب دور ديال تجربة شافية لي كتخيلنا نفرجو عن عوطفنا المكبوتة ... ولا تقدر تدينا لدوامة ديال جحيم الأكتئاب من لخر الموسيقى لي فشي شكل و فنضري بشكل خاص دات طابع الحزين كاتختارقك بشي شكل من الأشكال كتأثر عليك كتقيسك ...علاش ! كنضن لحقاش كاملنا عندنا الام كابتينها فلداخال ديالنا ...أحزان لي كانحاولو نتناسوها لحضات لمقموعة لي تعدبنا فيها بشكل منفرد ...لحضات معروفة لي دزنا منها كاملين ولكن بشكل متفرد أي كل واحد بوحدو ...أولها وعي ديالك بأنك مواطن مغربي أو ديك لحضة فاش كطيح فالحب معا شي وحدة أو واحد و كيخليك و كايمشي أولا منين كتحس بأن الحيات كملها ضدك و كتفشلك ...هاد مشاعر مكبوتة كل واحد و كيفاش كيفجرها واحد المجموعة منا كتردو فنان مبدع كرسام, ممتل , كاتب كلمات (معناة العميقة هي منبع الابداع فنضري) وكاين لي كاتخليه كاع يبني شركات لي ممكن تغير العالم ...ولكن أغلبية ديالنا فقط شي اغنية عميقة هي لي غتعاونو فتحرير ديال ديك لمشاعر و استمرار فالحياة ...
0 التعليقات
