الوطن ليس فندقا ..
نغادره حين تسوء لخدمة....
و أنا كنشوف هذا صورة و كنتأمل فيها ...وحق رب لا لحمي بورش عيني دمعوا ...بلاد خاصها صبر خاصها تضحية خاصها الكفاح ؛ خاص تعود تعزيلة ...خاص طبيعة و عزراين يديرو خدمتهم يهنونا من الحرس القديم ديال فساد ديال الاستبداد و ديال حكرة ديال ظلم ..ديال نهب ثروات تفقير شعب....
ذنب ميشي على طلبة طب ..و لا حتى على هذا المعلمين و الاساتذة ...و ميشي ذنب على شعب مقهور رسخوه ليه في لعمق ديال دماغ ديال دماغ ديالو...أن راه لخبز و أتاي أسمى قيمة كونية و لا كان عندك حمد الله وشكروا و سكت و لبدها وعيش أ حمريش ...
و أنا كنقرا هذا الايام شي كتب ديال تاريخ نهضة ماليزيا أندونسيا..لقيت أن بينا بين استقلال ديالهم سنوات قليلة ؛ شوف هما فينا واصلين فين غادين و حنا فين...علاش و أشنوا لفرق !!
بكل بساطة لأن من شدو هما الاستقلال ...كانت طبقة نخبة واعية تحلم بوطن زوين لكل الشعب..نخبة كانت هازة لهم للوطن ..خدمت ليل نهار من اجل انها تعود تبني عقول مجتمع قبل ما تبني لحيوطة ...من بعد ما كونت جيل سلمتوا مشعل ..قاد لبلاد لطريق نهضة و نمو و الازدهار ...نتيجة واضحة وضوح شمس في نهار جميل واضح باين ..على رأي عبد الهادي بلخياط...
أما حنا للاسف من بعد الاستقلال طحنا في نخبة انتهازية استغلالية كتقلب غير على مصلحتها مصلحة عائلات ديالها مقربين ...و اصحاب الولاء ..الله يبارك في عمر سيدي ...نهبوا خربوا لبلاد زرعوا فساد محسوبية زبونية في كل مجالات في ادارات ...دارو تعازيلة مقودة ..قسموها بيناتهم ..الله يخد فيهم الحق ..
شعب ولاد شعب هزو لقالب مزيان...بقينا هازين داك الارث السلبي ليومنا هذا ...أي طريق بغينا نمشو فيها الا كيوجهنا الماضي و المخلفات ديال حقبة هدوك ولاد لق●●●● ؛ ها حنا مازال مقاتلين ليومنا هذا ...
لكن أنا عندي احساس فحال بزاف شباب..أنا عاجلا أم أجلا ..نقدو هذا لبلاد و بزز منهم ..نطلعوا نيفو لفوق ...بمجهودنا بثقافتنا بعلمنا بإنخراطنا و أننا نغيروا نثوروا في ادارات و مصالح ...نبينوا ليهم راه وقت أخرى ...وقت ديال نعيشوا عيشة فل ينموت إحنا الكل...
تحية أي واحد ...يقاوم يناضل بأي طريقة ممكنة في أي مكان في جبل في واد ..في قرية ..في مدينة ...هذا راه بلادنا فمن أنتم يا لصوص الامل و الاحلام .....!!
0 التعليقات
