فالصباح و أنا خارج معا ديك 7 طاحت عيني على واحد المنضر كايضر فالخاطر،
واحد الرجل كبير فالعمر غايكون فايت 65 عام جالس و موقف شطابة و موسد عليها
راسو و حداه واحد البرويطة و كايرتاح من بع 1 ساعة ديال الخدمة حيت كيبداو
مع 6 ديال الصباح، هاد السيد فكوكب اليابان كايسميوه "مهندس نظافة" و
الصالير تقدرو تقلبو على هاد المعلومة ( 8000 دولار ) 80.000 درهم ديالنا، و
عندنا كاينين لي محسوبين على الإنعاش و كيشدو 1800 درهم و كاينين لي
محسوبين على شركات هادوك ماعنديش شي معلومة عليهم و غايكونو بحال بحال
واقيلة، هاد السيد كيخدم 7 أيام فالأسبوع ويلا عيا شي نهار و مقدرش يمشي
خيت الأغلبية رجال كبار كيقطعو ليه داك النهار من الخدمة زيادتا على الهدرة
لي غيسمع، هاد السيد و زيادتا على هاد الثمن لي كيشد كيقدروه "العرب" و
كايسميوه (زبال) اولا (مول الزبل) ماشي كلشي و لكن بزاااااف، مول الزبل راه
هو أنت لي كاديرو أما هو راه كينقيك من زبلك هدشي بلامنهدرو على المعاملة
ديالهم و المكانة ديالهم فالمجتمع، الدونية و الإحتقار و ما إلى ذلك من
معاملات سوء.
أجي نديرو واحد التصور غي بيناتنا، كل واحد فينا عندهم بركاصة فدربهم فين كيتجمع الزبل، قبل ماتنعسوا أولا مني تكونو داربين دويرا لحانوت ولا خارجين ! لوحو عينيكم جيهتها، غانلقاوها عامرة بزبلك و زبلي و زبل الجيران كلنا مساهمين، هادي غي البركاصة بلا منهدرو على الشارع، دب فنضركم إلى هادوك الناس واحد النهار و غالك والو تاحنا بغينا الزيادة و ماخدموش، هاداك الزبل غايبقا تما، و غايتزاد عليه ديال داك النهار و لي من بعدو، ربحت الخنز لي هو ديالنا و حنا لي درناه تمت غتولي كتخنق، من هنا غيبداو يبانو الأمراض الخطيرة و المعدية ( الملاريا و السل ...)
لمهم هذا غير تصور بسييييط لي يقدر يورينا القيمة ديال داك السيد فوسط المجتمع، دوك الناس لي كيستاحقو منا معاملة أحسن و يستاحقو أن الدولة تفكر فيهوم ماشي تهمشهم.
باش مانساش هادوك الناس الأعلبية ديالهم إلى ماقلناش كلهم كايبقاو خدامين تا كيموتو أولا تا كيمرضو شي مرض خايب و كيتلاحو للركنا ( حيت ماعنهمش التقاعد) وبلا ماخدمش مايعيش.
الله يحسن العون.
أجي نديرو واحد التصور غي بيناتنا، كل واحد فينا عندهم بركاصة فدربهم فين كيتجمع الزبل، قبل ماتنعسوا أولا مني تكونو داربين دويرا لحانوت ولا خارجين ! لوحو عينيكم جيهتها، غانلقاوها عامرة بزبلك و زبلي و زبل الجيران كلنا مساهمين، هادي غي البركاصة بلا منهدرو على الشارع، دب فنضركم إلى هادوك الناس واحد النهار و غالك والو تاحنا بغينا الزيادة و ماخدموش، هاداك الزبل غايبقا تما، و غايتزاد عليه ديال داك النهار و لي من بعدو، ربحت الخنز لي هو ديالنا و حنا لي درناه تمت غتولي كتخنق، من هنا غيبداو يبانو الأمراض الخطيرة و المعدية ( الملاريا و السل ...)
لمهم هذا غير تصور بسييييط لي يقدر يورينا القيمة ديال داك السيد فوسط المجتمع، دوك الناس لي كيستاحقو منا معاملة أحسن و يستاحقو أن الدولة تفكر فيهوم ماشي تهمشهم.
باش مانساش هادوك الناس الأعلبية ديالهم إلى ماقلناش كلهم كايبقاو خدامين تا كيموتو أولا تا كيمرضو شي مرض خايب و كيتلاحو للركنا ( حيت ماعنهمش التقاعد) وبلا ماخدمش مايعيش.
الله يحسن العون.
0 التعليقات
