بقلم :Erra Chdi
---------------من بعد ما قريت مقالات لي دازو هنا بخصوص الانتاج الموسيقي ، فقلت علاش لي تانا ما نشارك معاكم فهاد المجال لي انا تان عشقو بشدة او لي نقدر نعطي فيه بزاف ديال المعلومات بحكم المدة ليتعاطيت لهاد لعجب
المهم اي واحد كيفاش بدا فهادشي غايكون بدا بحب الفضول اوماشي غار فهاد الضومين فأي ضومين انجدبتي لشي عمل فني فيه فاغاتسوال راسك كيفاش تاتحطات هاد اللعيبة ؟ اوعلاش عجباتني غار انا ؟
من هنا الا كنت نييت باغي تعراف رآك كاتنوض تقلب اوتسوال او تخسر وقتك مزياااان اوتيق بيا راه ليعطيتيها وقتك راه تعطيك سواء كانت غاترجع بالاجابية اولا بالسلبية للحياة ديالك
فالبنسبة لي باغي ابدا هاد الضومين هاد البوصط راه ليك ههه
اولا عزيزي البرودوسر خَص تكون عندك أُدن موسيقية متلان فالوقيتا لي ناس كاتستمتع بالمزيكا نتا خاصك تكون كاتحلل فيها اوكاتاخد بعض الصور فدماغك هاكيفاش دار اوها ليزاد هنا اوكتطرح بزاف ديالاسئلة
خاصك دبر فشي فليسات اوتقدا ليك شي بيسي ايكون مسوفلي ديال بصح ا(انصحك تقدا ماكينطوش بربي لاندمتي والناس ليعندهم ذيزوغديناتوغ ديال الماك راه عارفين علاش - اوهادشي علاش تانشوفو ليبرودوسير ديال ميريكان تيتقداوه ) اوتا بيسي عادي ماشي موشكيل غار خاصو ايكون طيارة هههه
من بيسي لشي بيفان ايكونو كاليتي او شي كارط صون علا قد جيبك او كلافي ميدي لي هيا ديك لكلافي بيانو بپورط ميدي
من بعد غايخصك تيليشارجي شي بروكرام او غانعطي سمياتهم ( Ableton- apple Logic Pro -Reason- Ardour-Sony creative soft acid-tracktion steinberg nuendo-motu digital- avid prosools-sonar-
مني تلقا لبروكرام ليبغيتي غايخصك تفهمو او بطبيعة الحال عطا الله ليفيديو طوطيغيو فيوتيوب. ولاكن راه البروكرام ماكافيش غايخصك يا اخي تزيدو بعض الاضافات. لي تقدر تكون علا شكل. vst . Audio unite .component لي هيا بحالا قلتي ابليكاسيون كاتزاد لبروكرام او هاد الاضافات اقدير ازيد بزاف ديال الحوايج كالتاتيرات اونقدرو نلقاوه علا شكل آلة موسيقية بحال بيانو اولا صاكصوفون اولا ڤيولون او بزاف ديال الاَلات اليكترونية
اما بالنسبة للحاجة التانية لي خاصك تزيدها هما ليdrums kite o les sampler راه غاتلقاو واحد سيت لتحت فيكومونطير غاتقدر تيليشارجي منو بزاف ليقدر اعاونك
هادشي بالاضافة للابداع والمخيلة ديالك
من بعدخاصك تعلم للميكساج لي للااغلبية تاعرفو غار بدمج الموسيقى الا اعشيري الميكساج راه علم بوحدو فهاد الزمر ديال الانتاج الموسيقى لدرجة كاتلقى جوج دناس خدامين فالستوديو واحد والي المهنة ديالهم هيا غار ايميكسي او نختاصر ليكم الميكساج او لي هوا انك خاصك تعطي واحد الصورة دات جمالية للموسيقى اوتبان مزوقة اوتكون متناسق من حيت الالحان الصوتية تخيل تصورتي بكاميرا ديال التيليفون اودخلتي الصورة الفوطوشوك اوحلقتي عليها مزيان فنفس الشى فالموسيقى
اما بالنسبة للريكورد راه كارط صون هيا كلشي باش ما كانت مزيانا كاتكون غالية اوغاتكون كاتطلع كاليتي مقاودة هادشي زاءد الخدمة ديال الميكساج او بالضرورة شي مايكروفون فونطوم الا كنتي باغي ستوديو
0 التعليقات
